पुणे प्रतिनिधी नामदेव मेहेर.
पिंपरी चिंचवड:-चिखली दि २४मे२०२३ चिखली मध्ये एका मित्राने त्याच्या साथीदारासोबत मिळून मित्राला गोळ्या घालून ठार मारले.ही घटना सोमवार दि.२२दुपारी पावणे दोन वाजताच्या सुमारास घडली.या खुनाचे कारण क्षुल्लक आहे.मित्राची प्रतिष्ठा वाढू लागल्याने हा खून झाल्याचे समोर आले आहे.कृष्णा ऊर्फ सोन्या हरिभाऊ तापकीर वय २१ रा.महादेवनगर चिखली गाव असे खून झालेल्या तरुणाचे नाव आहे.याप्रकरणी त्यांचे मामा राजेंद्र कार्ले वय ३८ रा.चांदुस,ता.खेड यांनी चिखली पोलीस ठाण्यात फिर्याद दिली आहे.त्यानुसार सौरभ उर्फ सोन्या पानसरे, सिध्दार्थ कांबळे दोघे रा.फलकेवस्ती,मोईगाव,ता.खेड आणि त्यांचे इतर साथीदार यांच्या विरोधात गून्हा दाखल करण्यात आला आहे.पोलिसांच्या दिलेल्या माहितीनुसार मागील वर्षी नवरात्रीच्या उत्सवात विकास साने यांनी पाटीलनगर चिखली येथील मैदानावर दांडिया कार्यक्रम आयोजित केला होता.त्या कार्यक्रमात कृष्णा याची आणि आरोपी यांचे भांडण झाले होते.त्यानंर कृष्णा याची प्रतिष्ठा वाढू लागली.याचा राग मनात धरून आरोपींनी कट रचून कृष्णा याला ठार मारण्याचे ठरवले. सोमवारी दुपारी पावणे दोन वाजताच्या सुमारास कृष्णा यांच्यावर आरोपींनी गोळ्या झाडल्या.यामध्ये गंभीर जखमी झालेल्या कृष्णा याला तात्काळ उपचारासाठी रुग्णालयात दाखल केले.मात्र उपचारादरम्यान त्याचा मृत्यू झाला.चिखली पोलीस तपास करीत आहेत
www.starmazanews.com संपादक :- रियाज पठाण 9405749898 / 9408749898
Author: starmazanews
News analysts, reporters, and journalists keep the public updated about current events and noteworthy information.
