कदम गुरुजी सायन्स महाविद्यालयात सोलापूर विद्यापीठाचा 18 वा युवा महोत्सव मोठ्या उत्साहात पार

Picture of starmazanews

starmazanews

www.starmazanews.com प्रतिनिधी सोमनाथ गायकवाड

मंगळवेढा येथील दलित मित्र कदम गुरुजी सायन्स महाविद्यालयात सोलापूर विद्यापीठाचा 18 वा युवा महोत्सव मोठ्या उत्साहात पार पडला.18 व्या युवा महोत्सवामध्ये सर्वसाधारण विजेते पदाचा मान 91 गुणासह बार्शीच्या छत्रपती शिवाजी महाविद्यालयाने तब्बल चार वर्षानंतर पटकावला.
द्वितीय क्रमांक 50 गुणासह संगमेश्वर महाविद्यालयाने तर तिसऱ्या क्रमांक 49 गुणासह शंकरराव मोहिते पाटील महाविद्यालय अकलूज यांनी पटकावले..
पारितोषिक वितरण सैराट चित्रपटातील अभिनेत्री रिंकू राजगुरू व भाजप खा.धनंजय महाडिक यांच्या हस्ते करण्यात आले.अध्यक्षस्थानी प्रभारी कुलगुरू डॉ. राजेश गोदेवार हे होते.आज उत्साही व जल्लोशपूर्ण वातावरणात समारोप करण्यात आला.
सोलापूर जिल्हयातील 57 महाविद्यालयांनी 29 कला प्रकारामध्ये सहभाग नोंदवला होता. यावेळी एकूण महत्वाच्या पाच कला प्रकारांचे विभागीय विजेतेपद घोषित करण्यात आले.
ललितकला, वाड़.मय, नाट्य या कलाप्रकारामध्ये शिवाजी महाविद्यालय बार्शी, नृत्यकला मध्ये पुण्यश्लोक अहिल्यादेवी होळकर सोलापूर विद्यापीठ अधिविभाग यांनी विभागीय पारितोषिक पटवकले.
संगीत विभागामध्ये DBF दयानंद महाविद्यालय सोलापूर यांना विजेतेपद मिळाले..
सर्वांची उत्सुकता लागलेल्या गोल्डन बॉय म्हणून एम. ए. च्या प्रथम वर्षात शिकत असलेल्या सुरज काळे तर गोल्डन गर्ल म्हणून सांगोला महाविद्यालयाच्या तृप्ती बेंगलोरकर हिची निवड करण्यात आली.

विजेत्या महाविद्यालय निश्चित झाल्यानंतर महाविद्यालयाच्या प्रांगणात जल्लोषात मिरवणूक काढून विद्यार्थ्यांनी आनंदोत्सव साजरा केला…

www.starmazanews.com संपादक :- रियाज पठाण 9405749898/9408749898

starmazanews
Author: starmazanews

News analysts, reporters, and journalists keep the public updated about current events and noteworthy information.

Recent Posts
error: Content is protected !!