www.starmazanews.com नांदेड विभाग प्रमुख:- ज्योती शिंदे
नांदेड दि. स्वामी रामानंद तीर्थ मराठवाडा विद्यापीठ विष्णुपुरी, नांदेड च्या वतीने दि. १० सप्टेंबर रोजी विद्यापीठ सिनेट सभागृह येथे सकाळी ११ वाजता सांस्कृतिक विभाग प्रमुखांची कार्यशाळा घेण्यात आली. या कार्यशाळेत विद्यापीठ परिक्षेत्रात महाविद्यालय सांस्कृतिक विभाग प्रमुख उपस्थित होते.
सिनेट सभागृहात आयोजित सांस्कृतिक विभाग प्रमुखांची कार्यशाळेच्या अध्यक्षस्थानी कुलगुरू डॉ. उध्दव भोसले, प्रमुख पाहुणे प्राध्यापक. कुलगुरू डॉ. जोगेंद्र सिंह बिसेन, कार्यशाळा संयोजक व विद्यार्थी कल्याण विभाग संचालक डॉ. सुर्यप्रकाश जाधव समवेत साधन व्यक्ती डॉ. विश्वाधार देशमुख, डॉ. मामा जाधव, डॉ. शिवराज शिंदे, डॉ. सान्वी जेठवाणी, डॉ. सुनील व्यवहारे, डॉ. बाळकृष्ण धायगुडे, डॉ. शिवराज भुते उपस्थित होते. प्रास्ताविक संचालक डॉ. जाधव यांनी करीत कार्यशाळा आयोजित करण्या मागची भुमिका विषद केली. कुलगुरू डॉ भोसले व प्रकुलगुरु यांचीही समायोजित भाषणे झाली. संचालन प्रा डॉ. संदीप काळे तर आभार प्रा डॉ मनीष देशपांडे यांनी मानले. संपूर्ण दिवसभर विविध साधन व्यक्तींनी आपापल्या विषयावर सखोल मार्गदर्शन केले. जवळपास विद्यापीठ परिक्षेत्रातील १६० महाविद्यालय सांस्कृतिक विभाग प्रमुखांची उपस्थिती होती.
www.starmazanews.com संपादक रियाज पठाण 9405749898/9408749898
Author: starmazanews
News analysts, reporters, and journalists keep the public updated about current events and noteworthy information.
