www.starmazanews.com ठाणे जिल्हा प्रतिनिधी चंदन ठाकूर

भाईंदर : मिरा- भाईंदर महापालिकेच्या शाळेचा परिसर स्वच्छ,सुंदर असायला हवा, यासाठी महापालिका प्रशासनाने अनोख्या स्पर्धेचे आयोजन केले आहे. विद्यार्थ्यांच्या चांगल्या आरोग्यासाठी शाळेचा परिसर स्वच्छ, सुंदर असायला हवा. शाळा स्वच्छ व सुंदर असतील तर विद्यार्थ्यांचे अभ्यासात मन रमते शाळेत येण्यास उत्साह वाढतो वातावरण प्रफ्फुलीत राहते. यासाठी विद्यार्थ्यांना शाळांमध्ये धडे दिले जातात. त्यानुसार मीरा-भाईंदर महापालिकेच्या शाळांमध्ये शिकणाऱ्या विद्यार्थ्यांच्या आरोग्याच्या दृष्टीने शाळांमध्ये स्वच्छता चांगली राहण्याच्या दृष्टीने महापालिका प्रशासनाकडून स्वच्छ शाळा, सुंदर शाळा स्पर्धेचे आयोजन करण्यात आले आहे. या स्पर्धेत विजयी ठरणाऱ्या पहिल्या तीन शाळांना परितोषक देऊन सन्मानित केले जाणार आहे. शहरात महापालिकेच्या मराठी, हिंदी, उर्दू व गुजराती या माध्यमाच्या ऐकूण 36 शाळा आहेत. या चालू शैक्षणिक वर्षात शाळेमध्ये जवळपास आठ हजार 8200 दोनशे विद्यार्थी शिकत आहेत या शाळांची दैनंदिन साफसफाई कर्मचाऱ्यांच्या मदतीने केली जाते. परंतु ही साफसफाई व्यवस्थित होत नसल्याचे दिसून येते. त्यामुळे सर्व शाळांमध्ये विद्यार्थ्यांच्या आरोग्याच्या दृष्टीने स्वच्छता ठेवण्यासाठी विद्यार्थी व शिक्षक यांचे सहकार्य देखील मोलाचे आहे. या हेतूने पालिका आयुक्त दिलीप ढोले यांच्या मार्गदर्शनानुसार ही स्पर्धा 1 ऑगस्ट ते 31 ऑगस्ट या कालावधीत घेतली जाणार आहे. केवळ महापालिका शाळांना या स्पर्धेत सहभागी होता येणार आहे. स्पर्धेसाठी पालिकेकडून परीक्षण समिती स्थापन केली जाणार आहे ही समिती वर्गनिहाय स्वच्छता ठेवणे, शौचालय व लगतचा परिसर स्वच्छ ठेवणे, वर्ग व मुख्याध्यापकांच्या कार्यालयातील दस्तावेज चांगल्या पद्धतीने ठेवणे यासाठी गुण दिले जाणार आहेत. सर्वात जास्त गुण मिळालेल्या शाळेची पुरस्कारासाठी निवड करण्यात येणार आहे.

www.starmazanews.com संपादक रियाज पठाण 9405749898/9408749898

Author: starmazanews

News analysts, reporters, and journalists keep the public updated about current events and noteworthy information.